MERI KAHANIYAAN MERE KIRDAAR

Meri kuch kahaniyaan aur unke kirdaar.. sab bahut alag-alag..  kuch behad masoom hai to kuch thode shaitaan... kuch aankhoon mai dhero khwaab liye, kuch  madmast beparvaah zindagi kn jeete hue..  ye saari kahaniyaan saare kirdaar kahi na kahi mjhe meri aur aas pass apni gati se bahati hui zindagiyoon ki yaad dilate hai.. unse behad mel khaate hai.. ek 17 saal ki massom ladki apni aankho mai khud kn laker hazaaro khwaab liye hue... apne aane wale kal kn laker apni palko mai sapne bunte hue.. ek kiran hai jn behad shaant aur normal zindagi jeena chahti hai.. jisme ek pati hn jn  usse aur uske parivaar kn izzat de, pyar chahe thoda kum kare.. ek pyaari si gudiyaan hn jiske chehakne se ghar ka aangan jhoom uthe.. jab wo kitchen mai jae to uske haato se bane khaane ki khoosboo sabko madmast kar de.. sab saari pareshaaniyaan bhool ke bus uss mehak mai kho jae.. uski rasoi "sita ki Rasoi" ban jae.. wahi ek aur roshni hai apni ek alag si duniya banate hue.. jisme aasmaano kn  choone ke sapne hai par paav jameen par rakhte hue.. uski aankho se jyada sapne uske haato mai bante hai.. unhi ke sahare wo unhe poora bhi karna chahti hai.. chahti hai ki duniya usse uske naam  se jaane.. ek wajood ek identity jo uski khud ki banai hui hn... uski aanko mai sapno se jyada guroor hai vishwaas hai khud kn saabit karne ka.. apne kadmo kn uthate waqt apni nazaro kn aatmavishwaas se bharne ka.. chaliye ab aapko chandni ke baare mai batae hai ab.. wo beparvaah apne kal knlekar isliye wo khul ke aaj kn jeeti hai.. masti se magan hokar.. usne kal ko laker koi sapna nhi banaya hai aur isliye wo apna aaj sawarne mai lagi hui hai.. wo jo sochti hai usse karne mai vishwas rakhti hai, apne dil ki sunti hai.. par takleef kissi kn nhi deti.. bus khud se jaise ek dosti si kar rakhi hai.. ussi dost ke saath har lamha jhoomte gaate bitati hai.. uski khushiyoon kn kissi wajah ki jarurat hi nhi.. wo khush hone ke liye nhi jeeti wo jeeti kyunki wo khush hai.. aankho ki nami kn jyada der wha rookne nhi deti usse baha kar wapas chamak kn uski jagah de deti hai.. bekhauf hai par laparwah nhi.. pagal hai bewkoof nhi.. inn sab se thodi si alag kahani hai aabha ki.. uski aankho mai sapne to hai par khud ke liye nhi auro ki liye.. uski raahe usse khud ki nhi auro ki manzilo ki aur le jati hai.. aur ye majboori nhi uski khushi hai.. wo muskuraana chahti hai par dusro ki muskurahatato mai unki khushiyo mai khush hokar.. wo gumnaam hokar bhi naam karna chahti hai.. unn haato kn thamna chahti hai jinhe khud ki lakeero par vishwaas nhi hai.. unn aankho mai bharosa jagana chahti hai jn bharose ka matlab bhool chuke  hai.. unn nanhe kadmo ke saath kadamm milna chahti hai jinke kadam dagamagane lag jaate hai.. wo bus dena chaahti hai baatna chahti hai kuch banna nhi.. kehte hai naari ke kai roop hai.. kabhi wo sita hai kbhi wo raadha kbhi wo lakshmi hai kbhi saraswati.. par har roop adhbhoot hai.. avishwaniya.. soumya.. sheetal.. kashtiyoon kn saahil ki aur le jaane wale... waqt ki maar ne inhe bandhano me daba diya hai pr inke swarroop kn badla nhi hai bus deri khud kn pehchanne ki hai.. sabme ek sita ek radha ek lakshmi ek durga ek saraswati basti hai bus deri pehchaanne ki hai..

AANKHOON MAI ZINDAGI KE KAI RANG BASTE HAI..
SAB EK DUJE MAI MIL KAR SANG HASTE HAI..
HAR RANG KI APNI EK KAHAANI HOTI HAI..
LAFZO SE NHI AANKHO SE BAYAA ZINDGAANI HOTI HAI..

PARVAAHH: WHO SAY THEY CARE

CARE... parvaah... kya mayne hai iss shabd ke.. "tum nhi jaante par mai tumhari behad parvaah karta hn" ye wo alfaaz hai jinhe hum baht bekhoobi pehchante hai par kya sach mai iske shi maayne samjhte hai.. parvvah.. jab saamne wale kn mehsoos hn ki chahe usse kch bhi hn jae par ek shaksh har kadam uske saath hai.. chahe kitna hi bada tofaan ghere khada hn koi har lamha uska haath thaame uske saath hai.. koi aur uski kamjoriyoon kn samjhe na samjhe par koi hai jn bakhoobi unhe jaanta hai samjhta hai aur saath laker chalta hai.. jab akele mehsoos hn to kissi aise shaksh ke saath hne ka vishwaas hona jisse bewaqt pareshaan kiya ja sake kyonki hum khud pareshan hai.. iss ek vishwaas ka hona hi kayi baar kafi hota hai har mushkil se ladd jaane mai.. par jitni iss vishwaas se majbooti milti hai utna hi kamjor bhi hn jaate hai hum iss vishwaas ke toot jaane par.. wo  raato ki siskiyaan, wo na thamne waale aansoo, wo tootte vishwaas ke saath har pal toota dil aur toote hum... kuch khoobsurat yaadein laker kya umra bhar ka dard lena.. ye hisaab bethta hai janab... kiski zindagi mai aapki kitni importance hai isse jaanna behad mushkil hai par behad jaruri bhi.. shayad isse hi duniya sambhal ke chalna kehti hai jo hum seekhna bhool gye.. kyu hum chah kar bhi waise nhi ban paate jisse iss duniya ko ussi ki bhaasha mai jawab de paaye.. jakhma bhi yhi deti hai, dard bhi hume hota hai aur khushi se befikri ye rehti hai... shayad yhi dastoor hai jo chalte aaya hai  aur jab tak emotion aur beparvahi sono hai ye yu hi chalte rahega.. khush  rehne ke liye befikri hona bahut jaruri hai par kuch log khud samjha hi nhi paatein ki unhe kissi se koi farq nhi padta aur wo sirf khud ke liye jee sakte hai..

wo besoodh mast beparvaah chalte ja rahe the..

hum bharose UNKE unn raaho kn choonte ja rahe the..

unhe palat ke dekhne ki jarurat na lagi..

hume awaaz dene ki aadat na thi..

aankho kn jab jhapka ke khola..

na paaya usse tha bharosa jiska..

wo chalte hue na jaane kha pahunch gye..

hum waqt kn kn thaame whi reh gye..

COLORS: WE PAINT OURSELVES

Life itself is a crazy idea to imagine, to explore and to sustain... it always surprises with the sequence of events that happens to you... atleast this is what I experienced living it.. khubsurat din kbhi andheri raat mai simat`te hue.. anjaane sapne nai roshni talaashte hue.. kabhi pehla pehar hi madhosh kar dene waala mausam saath liye hue to  kbhi dhalta suraj toofan mai khud kn chupate hue.. kabhi whi ja pahuchna jiske liye ghar se nikle the, kabhi na raasto ka pata na manzilo ke naam dikhte hue.. ye wo paheli hai jo sulajh ke bhi nhi sulajhti aur ulajh ke bhi nhi ulajhti.. :).. zindagi khud kn uss aur mod leti hai jis aur hum apne najariya ka pahiya ghumate hai.. simple sa scientific fanda hai dosto.. ye safed roshni ki tarah hai har rang apne andar samete hue, jisse agar bina kissi obstacle ke khule dil aur dimaag ke uss paar dekha jae to ek khubsuart satrangi indra-dhanoosh dekhne kn milega lekin humare vichar iss light ke aur humare PRISM(heart and mind) ka medium bante hai.. jiske jo thoughts honge uss according; unke anuroop color uski life ke indra-dhanush se gayab hoga.. ab kya karu science ki student hn na life mai bhi science nikalne ki koshish krti hn.. hehe.. apne khud ke experience se bata rhi hn jitna positive environment create karenge khud ke aas pass life utni hi bright colors ke rang mai apni design banati jaegi.. ek baat jn maine ab tak ki apni journey se seekhi hai ki koi bhi insaan koi bhi incident aapki zindagi se koi rang nhi cheen sakta jab tak aap khud na chaho, ha beshak lautane mai madad kar sakta hai par aapke security permissions mai enter kare  bina nahi.. jaanti hn jitna likhna aasaan hai iss line kn utna implement karna nahi.. mai khud nhi kar pai aaj tak puri tarah.. par kai hadd tak udaasi kn khud tak pahunche se rokne mai kaamyaab jarur hn gyi hn.. khud kn aaina mai dekh kar muskuraana seekh gayi hn mai.. apni manzeelein aaj bhi talaash nahi pai mai par jis aour bhi ja rhi hn uss raaste kn enjoy karna seekh gayi hn; haste hue masti mai gungunate hue apni hi dhoon mai chalte hue.. kbhi na kbhi kahi koi board jarur hoga jis pe mere sapno ka pata likha hoga.. bus usse dhoondne aur pehchanne ki jarurat hogi..
Every eve is Hogmanay, we just need to treat it like that..

lamhe zindagi ke berang hi mile hai hume humare khaato mai
hoga kaunsa rang kisme bhara, syahi wo bhi hai inhi haato mai..
ek boond pani ki roshni se indra-dhanush bana jati hai,
sangam ke shi patein par zindagi humari bhi satrangi hn jati hai..
jazbaaton ka hai ek rang, hai ek rang vicharoon ka..
na-umeede` ka hai ek rang, hai ek rang aashaoon ka..
nazariyen ka hai ek rang, hai ek rang sachaaein ka..
nasamjhi ka hai ek rang, hai ek rang achaaein ka..
pramaano ka hia ek rang, hai ek rang vishwaas ka..
aazadi ka hai ek rang, hai ek rang saath ka..
rango ke kaein mel se, banti bigadti zindagi hai..
chahe sunherein hn chahe kali, chitro mai dhalti zindagi hai..

FIRST TIME FOR EVERYTHING: PEHLI BAAR KE EHSAAS

Shuruaat.. shabd jiske saath khaas yaadein judi hoti hai.. Ek ladki ke liye pehle pyar ke ehsaas ki shuruaat.. Ek aurat ke liye pehli baar ma banne ka ehsaas.. Ek pita ke liye bachche ki pehli naukri par chalke aansuon mai chupi khushi ka ehsaas.. Ek bhai ke liye pehli rakhi pe garv .. har shuruaat apne andaaz mai khaaas.. kabhi de sanjone kn khushiyoon bhari yaad, kbhi kch ankahe gamoon ka ehsaas..

 Aaj maine bhi shuruaat ki hai apne ehsaaso kn bahar ki duniya dikhaae ki.. Ye shabd hnge ek ladki ke jiski apni ek soch hai duniya se alag, kuch usool hai sabse pare, kch vichaar hai anant soch ka roop liye hue... wo kbhi madmast hai apni khushiyoon mai. kbhi tadap hai aankhon mai kissi dard kn laker, wo kbhi khamosh nadi si hai shant sheetal apne andar har ehsaas dabaein hue, kbhi ek bhayanak toofaan hai har aur halchal machaein hue, wo bahar ek chanchal chaya si hai, jiska sachcha swaroop kissi konne mai chupa betha hai kissi intezaar mai.. jo bhi hai jaisi bhi hai iss  mystery kn padhne mai ek sensation hoga aapko aisa likhne wale ki umeed hai...  dekhte hai ye silsila hume aur aapko kaha laker jata hai.. kya pata aaj bhi Ek shuruaat hn chuki hn : Ek NAYE RISHTE ki...

                                          

                                            

wo pehli baaarish ki boondein,

wo pehli aansuon ki dhar

wo khushi mai jhumti kch bekhoof aadein

wo darr mai simte kch ghabrae khwaab

har shuruaat se yaha waasta apna

har waqt waqt taakta apna

chalte hai samjh ke jinhe sapno ki raahein

na jaane kin manzilo pe pahoochte kaunse raastein hai..